Wanawake kurithi Mali Botswana

Wanawake wamekuwa wakinyimwa nafasi ya kurithi Botswana

Mahakama kuu nchini Botswana imebatilisha sheria ya kitamaduni ambayo iliwazuia wanawake kurithi mali nyumbani.

Mahakama imesema kuwa kanuni hiyo ya kitamaduni inakiuka sheria ya katiba inayosisitiza usawa kwa wanaume na wanawake.

 

Taarifa zinasema kuwa wanawake hawaruhusiwi kurithi mali katika jamii nyingi za kiafrika ingawa katika baadhi ya nchi sheria hizo sasa zinaharamishwa.

Mwandishi wa BBC mjini Gaborone, anasema kuwa uamuzi wa jaji Key Dingake, sasa inaileta katika safu moja sheria ya utamaduni na katiba ya nchi.

Alisema kuwa lazima pawepo usawa kati ya wanawake na wanaume kuhusiana na swala urithi.